आमची प्रायव्हेटीयन्स ग्रुप ते वुई फॉर सोल्जर्स (wefs) फाउंडेशन ची वाटचाल ......
साल २०१६ --- दि १७/१०/२०१६ रोजी गांव जाशी,तालूका माण, जिल्हा सातारा येथील ऊरी हल्ल्यांतील शहीद जवान चंद्रकांत गलांडे यांचे कुटुंबीयांची भेट घेउन ग्रुप तर्फे अल्पशी मदत म्हणून रू ६०,००० चे चेकने सहाय्य करताना सहकारी मित्र.

साल २०१८ --- दि ४/२/२०१८ रोजी चंदगड तालुक्यांतील शहीद जवान महादेव तुपारे यांच्या कुटुंबीयांची भेट घेऊन ग्रुप तर्फे २५,००० रू.ची मदत सहाय्य रक्कम दिली.

दि २६/१२/२०१८ कोल्हापूरच्या १०९ टि. ए. मराठा बटालियनचा पहिला शहीद जवान अभिजीत मदनराव सूर्यवंशी यांच्या १८ व्या स्मृतिदिना निमित्त त्यांचे तर्फे १०९ टि. ए. मराठा बटालियनचा जवान नाईक अनिल पारले यांस बेस्ट जवानऑफ दि ईअर हा पुरस्कार वआपल्या ग्रुप कडून रोख ५००० रू देताना सहकारी मित्र.

दि २/१/२०२१ - ट्रस्टचा पहीला वर्धापनदिन यानिमित्त जवान वाकरेकर यांच्या घरी जाऊन त्यांच्या कुटुंबीयांची विचारपूस केली. जवान दत्तात्रय बळवंत वाकरेकर कोल्हापूर यांच्या पत्नी सौ. वैशाली वाकरेकर यांच्या एमआरआय तपासणी मधे ट्रस्टशी संलग्न असणारे डाॅ. प्रशांत किट्टड (साई स्कॅन) यानी १५ % सवलत बीला मधे दिली व मा.उपाध्यक्ष श्री.दीपक गाडवेंचे हस्ते रू. ५००० चा चेक वुई फाॅर सोल्जर्स तर्फे देवून सदर जवानांस सहकार्य केले.

दि २४/१/२०२१ रोजी “वुई फाॅर सोल्जर्स (वेफ्स)फौंडेशन” च्या वर्धापन दिनानिमित्त ट्रस्टच्या लोगोचे अनावरण प्रमुख पाहूणेकर्नल अमरसिंह सावंत, कमांडंट शिंदे, लेफ्ट कर्नल विलास सुळकुडे, कर्नल शिवराज पाटील व प्रसिद्ध उद्योगपती नितीन वाडीकर यांचे उपस्थितीत झाला यांवेळी जवान उमेश चव्हाण यांचे वडील श्री. हरीदास शामराव चव्हाण ह्यांना मधूमेहाचा त्रास व त्यांतच कोरोना झालेमुळे किडणीवर दुष्परिणामझाला होता यांसाठी २/३ वेळा दवाखान्यांत एडमिट व्हावे लागले होते.सदर याप्रसंगी ट्रस्टने १०.०००रू चा चेक प्रमुख पाहुणांच्या हस्ते जवानांचे बंधूयांच्याकडे सुपूर्त केला.

१०/०४/२०२१ आपल्या ट्रस्ट कडून वीरमाता सूर्यवंशी यांच्या रक्त वगैरे तपासणीसाठी, अगाऊ सहा महिने बिलाचा चेक मा.अध्यक्ष,सचिवांचे हस्ते स्वीकारताना डॉ.श्री. व सौ. ढवळे. डॉ.ढवळे यांचे लॅबोरेटरी कडून ट्रस्टला ३०% हून अधिक रक्कमेची सूट मिळतआहे. वीरमाता श्रीमती मनीषा मदनराव सूर्यवंशी यांना हायब्लडप्रेशर व मधूमेहाचा त्रास असून वरचेवर कांही तपासण्या कराव्या लागतात जसे FBSL,PPBSL,HBA1C,LIPID PROFILE, CREATININE HEMOGRAM यासाठी ६ महीन्याला १०५० रू खर्च येतो. यांमधे डाॅ सौ ढवळे यांनी ३०% सवलत दिली व राहीलेल्या रकमेचा आगाऊ चेक ट्रस्टने एप्रिल २०२१ मधे दिला यामूळे येथून पुढे ६ महीने वरील तपासणींसाठी वीरमाता सूर्यवंशी यांना काहीही चार्जेस द्यावे लागणार नाहीत

२०/४/२०२१ -- नाईक अशोक तुकाराम पाटील या जवानाच्या मुलाच्या पोटाची सोनोग्राफी डाॅ सचिन पाटील (दिशा डायग्नोस्टिक्स) यांनी मागील महीन्यात केली होती ज्याचा खर्च १४०० रू होता यांमधे डाॅक्टरनी ३०० रू सूट दिली होती. उर्वरित रकमेचा ११०० रू चा चेक आपल्या वुई फॉर सोलजर्स फाउंडेशन कडून आज अध्यक्ष व सेक्रेटरी यांनी जवानाकडे सुपूर्द केला.

२०/४/२०२१ -- नाईक अशोक तुकाराम पाटील या जवानाचा दाताचा एक्स रे, ज्याचे चार्जेस ७५० रू होतात आपल्या वुई फॉर सोल्जर्स फाउंडेशन च्या लिस्टमधील डाॅ चिंचणीकर यांनी कांहीही चार्जेस घेतले नाहीत. वुई फाॅर सोल्जर्स ला अत्यंत मोलाचे सहकार्य केले बद्दल ट्रस्ट त्यांचे आभारी आहे.

२०/९/२०२१ -- पठाणकोट येथे थलसेनेत कार्यरत असणारा जवान गुणाजी पुंडलिक पडवळ, रा.मुडशिंगी कोल्हापूर यांच्या दीड महिन्याच्या मुलाचे हर्नियाचे ऑपरेशन एस्टर आधार हॉस्पिटल मध्ये यशस्वी झाले. सदर जवान कुटुंबीयांची हॉस्पिटल मध्ये भेट घेताना ' वुई फॉर सोल्जर्स ' ट्रस्ट चे अध्यक्ष डॉ.ओसवाल सह विश्वस्त श्री.गाडवे आणि श्री.नागराळे.

२०/९/२०२१ जवान गुणाजी पडवळे यास रुपये 20000/- च्या चेकद्वारे अल्पसे सहकार्य करताना ट्रस्टचे विश्वस्त श्री.नागराळे, श्री.गाडवे, डॉ.ओसवाल आणि श्री.कुलकर्णी.

२०/०९/२०२१ जम्मूकाश्मीर मध्ये कार्यरत असलेला जवान हवालदार नामदेव शंकर सावंत रा.कोल्हापूर, यांच्या मातोश्री सौ. विमल शंकर सावंत या दोन वर्षापासून छातीतील दुखण्याच्या व्याधीने ग्रस्त होत्या. आपल्या ट्रस्टशी संलग्न असणारे हृदयरोग तज्ञ डॉ. अक्षय बाफना यांनी ईसीजी, टू डी इको व ऍन्जिओग्राफी करून उपचार केले. डॉक्टर बाफना यांनी सदरच्या बिलात ११०० रुपये ची सवलत जवानास दिली आणि बाकी रक्कम रुपये ८००० चा चेक जवान नामदेव शंकर सावंत यांना ट्रस्टतर्फे ८००० देऊन सहाय्य करण्यात आले.

६ जानेवारी २०२२ कापसी ता. शाहूवाडी कोल्हापूर येथीलआपले जवान हवालदार विश्वास बापुसो केसरे यांचे वडील श्री.बापूसो केसरे हे पॅरालेसीस वरील उपचाराकरिता सरस्वती हॉस्पिटल येथे ऍडमिट होते. त्यांच्या उपचार खर्चा करिता वुई फॉर सोल्जर्स फाउंडेशन तर्फे रू.२५०००/- चे सहाय्य करणेत आले. सहाय्यनिधी चा चेक देताना ट्रस्टी डावीकडून श्री.व्हटकर, श्री.गाडवे, हवालदार केसरे, श्री.कुलकर्णी, डॉ.ओसवाल, श्री.नागराले.

२६ जानेवारी २०२२ -- वुई फॉर सोल्जर्स ट्रस्ट कडून वीरमाता सूर्यवंशी रा. शिवाजी पेठ कोल्हापूर, यांच्या एक वर्ष रक्त वगैरे तपासणीसाठी, आगाऊ बिलाचा चेक मा.अध्यक्ष,सचिवांचे हस्ते स्वीकारताना डॉ.श्री. व सौ. ढवळे. डॉ.ढवळे यांचे लॅबोरेटरी कडून ट्रस्टला ३०%हून अधिक रक्कमेची सूट मिळतआहे. वीरमाता श्रीमती मनीषा मदनराव सूर्यवंशी यांना हायब्लडप्रेशर व मधूमेहाचा त्रास असून वरचेवर कांही तपासण्या कराव्या लागतात जसे FBSL, PPBSL, HBA1C, LIPID PROFILE, CREATININE HEMOGRAM, EYE CONSULTATION. या करिता पुढील एक वर्षा करिता होणारा रू.२२००/- फी खर्चा मध्ये डाॅ. सौ ढवळे यांनी ३०% सवलत दिली व राहीलेल्या रू. १५००/- रकमेचा आगाऊ चेक ट्रस्टने २६ जानेवारी २०२२ रोजी दिला. यामूळे येथून पुढे एक वर्ष तपासणींसाठी वीरमाता सूर्यवंशी यांना काहीही चार्जेस द्यावे लागणार नाहीत.

१९/२/२०२२ -- जवान हवालदार अशोक तुकाराम पाटील रा.कोल्हापूर. कार्यरत काश्मीर असून ते स्वतः पोटविकाराने त्रस्त होते.कोल्हापूर येथे आलेवर त्यांनी आपल्या ट्रस्ट शी संलग्न असणारे डॉ. विवेकानंद कुलकर्णी व डॉ.आदित्य कुलकर्णी यांचे अंतरंग हॉस्पिटल येथे उपचार घेतले. सदर हॉस्पिटल चा एकूण खर्च रु. २३५००/- इतका झाला असताना त्यांनी त्यात २५% सूट देवून ते बील रु. १७०००/- इतके केले .सदरच्या सर्व रक्कम बिलाचा रु. १७०००/- चा चेक देवून सदर जवानास सहाय्य करणेत आले.

३/०३/२०२२ जवान भरत जयराम पाटील रा.शाहूवाडी कोल्हापूर यांच्या वडीलांच्या अस्थिरोग उपचारासाठी व मातोश्रींना अत्यंत गंभीर अवस्थेत ( multi organ failure) दवाखान्यात दाखल करावे लागल्यामूळे झालेल्या ६०,००० रू खर्चापोटी ३०,००० रू चा चेक वुई फॅार सोल्जर्स तर्फे देताना ट्रस्टचे अध्यक्ष डॉ.ओसवाल व सचिव श्री.कुलकर्णी.

१५/३/२०२२ -- जवान दादासो किसन हुंबे ता.माण जिल्हा-सातारा, सध्या कोल्हापूर येथे कार्यरत असून त्यांच्या पत्नीस डॉ.संजय देसाई यांचे सिद्धिविनायक हॉस्पिटल कोल्हापूर येथे छातीच्या दुखण्यावर उपचार झाले. याकरिता त्यांना आलेल्या हॉस्पिटलखर्च रू.३००००/- पैकी आपल्या वुई फॉर सोल्जर्स ट्रस्ट कडून त्यांना रू.१००००/- इतक्या रक्कमेचा चेक देवून सहाय्य करणेत आले. सोबत ट्रस्ट चे अध्यक्ष डॉ.ओसवाल, सचिव श्री.कुलकर्णी आणि खाजनिस श्री.नागराळे.

१६/०५/२०२२ -- जवान उमेश हरिदास चव्हाण रा.घुणकी, कोल्हापूर. सध्या पूंछ येथे कार्यरत असून त्याच्या ९ वर्षे वय असलेला मुलगा 'श्री' याचे डॉ.संतोष कुलकर्णी यांचे सोहम हॉस्पिटल मध्ये टॉन्सिल च्या मागे असणाऱ्या गाठी चे ऑपरेशन झाले. त्याचे रू.१८०००/- बिला मध्येआपल्या ट्रस्टशी संलग्न असलेने डॉ.नी ₹ २०००/- कमी केले. उर्वरित बीला पैकी ₹ १००००/- चा चेक आपल्या वुई फॉर सोल्जर्स ट्रस्ट कडून देणेत आला. बाबुजमाल चौकातील आपल्या ट्रस्ट चे अवाहनाचा फलक वाचून श्री.पराजित मंगेशकर यांनी आपल्या लग्नाच्या वाढदिवसाच्या निमित्त ट्रस्टला ₹ ११५१/- ची याच दिवसी देणगी दिली. त्या उभय दाम्पत्यांना ट्रस्ट तर्फे फुल देवून शुभेच्छा दिल्या व त्यांचे हस्ते सदर चेक चे वितरण डॉ.संतोष कुलकर्णी यांचे उपस्थितीत करणेचे औचीत्यही साधलेत आले. सदर चे वृत्त कुटुंबीया कडून समजले वर जवान उमेश चव्हाण यांनी पूंछ वरून फोन करून मनपूर्वकआभार मानले.

दि. ६/७/२०२२ -- जवान संजय शिवाजी भरणकर रा.शाहूवाडी, कोल्हापूर. सध्या NSG मध्ये कार्यरत असून त्याचा मुलगा साईराज संजय भरणकर वय ९ वर्षे याचा हात फ्रॅक्चर झाला असलेने त्याचे हातामधे रॉड बसवणेचे ऑपरेशन डॉ.सुरेश नेगांधी इचलकरंजी यांचे हॉस्पिटल मध्ये झाले.हॉस्पिटलखर्च ₹ ४८००० इतका झाला होता, त्यास वुई फॉर सोल्जर्स ट्रस्ट तर्फे आर्थिक साहाय्य ₹ १५००० चा धनादेश अध्यक्ष डॉ.ओसवाल, सचिव श्री.कुलकर्णी व खजानिस श्री.नागराळे यांचे उपस्थितीत विश्वस्त श्री.शिरोडकर यांचे हस्ते देणेत आला.

६/७/२०२२ -- गाव चनवाड तालूका शाहूवाडी जिल्हा कोल्हापूर येथील, 2nd मराठा लाईफ इन्फन्ट्रीचा जवान सुनिल मारुती पाटील सध्या राजस्थान येथे कार्यरत असून त्याच्या आईंला कार ने उडवलेने गुडघ्याला मार लागून लिगामेंट तूटलेले होते व त्याचे ॲापरेशन डॅा. पी. जी. कुलकर्णी राजारामपूरी येथे झाले आहे. सदर हॉस्पिटल बिलऔषध उपचार सह ₹ ७०,००० झालेले होते. त्या खर्चा पोटी आर्थिक साहाय्य ₹ २०००० चा धनादेश वुई फॉर सोल्जर्स ट्रस्ट तर्फे अध्यक्ष डॉ.ओसवाल, सचिव श्री.कुलकर्णी, विश्वस्त श्री. शिरोडकर यांचे उपस्थितीत खजानिस श्री.अनिल नागराळे यांचे हस्ते देणेत आला.

१०/७/२२ -- जवान हवालदार शामराव जाधव(नि.) यास आपल्या वुई फॉर सोल्जर्स ट्रस्ट तर्फे 'आजी माझी सैनिक समाजसेवी असोसिएशन' कागल. या संस्थेच्या वर्धापन दिनाच्या कार्यक्रमात व्हीलचेअर प्रदान करणेत आली.

दि.२९/७/२०२२ -- सध्या तळेगाव दाभाडेऑर्डन्स डेपो, पुणे येथे कार्यरत असणारे लान्सनाईक अजित शिवाजी पाटील यांच्या मातोश्री सौ.विमल शिवाजी पाटील ह्या स्वाईन फ्लूव bilateral pneumonia आजाराने सरस्वती हॉस्पिटल दसरा चौक कोल्हापूर येथे ॲडमिट होत्या. त्यांचे हॉस्पिटल बिल ₹ ५५०००/- इतकेझाले होते पैकी वुई फॉर सोल्जर्स ट्रस्ट तर्फे ₹ १००००/- चा चेक श्री.अनिल नागराळे, यशवंत व्हटकर, डॉ.ओसवाल आणि मुकुंद कुलकर्णी यांचे उपस्थितीत देणेत आला.

२२/८/२०२२ -- जवान अंकुश पाटील रा. शाहूवाडी कोल्हापूर यांचा मुलगा चि.सक्षम वय वर्षे ६ ,याचा मोटारसायकल ने उडवलेने अपघात झाला होता, त्याचे फ्रॅक्चर होऊन हाताचे हाड बाहेर आलेने ऑपरेशन ने सुरवातीला दोन राॅड व नंतर प्लास्टर घातले गेले. या सर्वाचा सिद्दी विनायक हॉस्पिटल , बांबवडे या हॉस्पिटल च्या रू.१८०००/- उपचार खर्चा पैकी त्यांना वुई फॉर सोल्जर्स तर्फे रू.१०,०००/- चा चेक सौ.अंकुश पाटील यांना देताना ट्रस्ट चे उपाध्यक्ष श्री.गाडवें सह उपस्थित देणेत आला.

२२/८/२०२२ -- जवान अक्षय बाळासो आमते रा. कोथळी जिल्हा कोल्हापूर. सध्या लडाख येथे कार्यरत, यांच्या पत्नीची प्रीमॅच्युअर डिलिव्हरी भोगावती येथे होऊन जन्मलेल्या बाळाला डॉक्टर उदय पाटील यांचे मसाई हॉस्पिटल कोल्हापूर येथे ठेवले होते त्याकरिता झालेल्या रुपये ७०,००० बिला पैकी ट्रस्टशी संलग्न असल्याने डॉक्टर पाटील यांनी रुपये १०,००० ची बिलात सूट दिली आणि आपल्या ट्रस्ट कडून रुपये २०,००० चा आर्थिक सहाय्यचा चेक प्रदान करण्यात आला.

१८/९/२०२२ -- जवान ओंकार सुतार (लडाख) आणि जवान सागर सुतार (सिक्कीम) यांचे वडील नामदेव सुतार रा.सेनापती कापसी यांची दोन वेळा एन्जोप्लास्टी झालेली आहे. सध्या परत दोन ब्लॉकेजेस झाले असून ई.सी.जी.,ईको आणि एन्जोग्राफी करणेतआली. यासह इतर झालेल्या उपचार खर्चा पैकी त्यांना वुई फॉर सोल्जर्स तर्फे रू.५०००/- चा चेकआपल्या सर्व प्रायव्हेटीयन्सच्या वतीने श्री. भरत नार्वेकरांचे हस्ते देताना सोबत डॉ. प्रकाश ओसवाल, श्री.मुकुंद कुलकर्णी, श्री.दीपक गाडवे, जवान सुतार व श्री.अनिल नागराळे.

12/10/22 -- राजस्थान मध्ये कार्यरत असणारा कसबा बावडा कोल्हापुरातील जवान अक्षय उलपे यांच्या वडिलांना न्युमोनिया व छातीत झालेल्या पाणी यावर केलेल्या उपचार खर्चापैकी वुई फॉर सोल्जर ट्रस्ट कडून रू.१५०००/- रक्कमेच्या मदतीचा चेक त्यांचे कसबा बावडा येथे त्यांचे घरी जावून देणेत आला. चेक स्वीकारताना जवानाचे आई वडील व सोबत डॉ.प्रकाश ओसवाल, मुकुंद कुलकर्णी, गजानन शिरोडकर आणि दिपक गाडवे.

15/10/22 -- जवान सागर(सिक्कीम)व जवान ओंकार सुतार(लडाख)यांचे वडील श्री नामदेव सुतार हे आपल्या वुई फॉर सोल्जर्स ट्रस्ट चे अध्यक्ष डॉ.ओसवाल यांचे दवाखान्यात ब्लडप्रेशर तपासणीसाठी आले होते. योगायोगाने याचवेळी UNISON या कंपनीचे सेल्स एक्झिक्यूटीव्ह सुनिल पाटील हे दवाखान्यामधे आलेले होते. ही कंपनी गोरगरीबांना ब्लडप्रेशर व मधुमेहाची औषधे विनामूल्य देते परंतू सुतारांना लागणारे औषध त्यांचेजवळ उपलब्ध नव्हते परंतू त्यांना जेव्हा कळाले कि ह्यांची दोन्ही मुले सैन्यामधे आहेत तेव्हा त्यांनी आवश्यक ती सर्व औषधे कायम स्वरूपी देऊ केली.

१५/१०/२२ -- सुभेदार सुरेश हरी भोळे राहणार पाचगाव सध्या आग्रा येथे पॅरा रेजिमेंट मध्ये कार्यरत. यांच्या वडिलांचे डोळ्याच्या पडद्याचेऑपरेशन झाले शिवायआईचे कोल्हापूर कॅन्सर सेंटर येथे कॅन्सर वरील उपचार चालू आहेत. त्यांना वैद्यकीय खर्चपोटी व उपचारा करिता वुई फॉर सोल्जर्स ह्या आपल्या ट्रस्ट कडून रुपये दहा हजाराच्या मदतीचा चेकअविनाश लाड यांचे हस्ते जवानाचे चिरंजीव व सौ.भोळे यांना देण्यात आला. सोबत श्री. अनिल नागराळे, डॉक्टर प्रकाश ओसवाल व मुकुंद कुलकर्णी.

18/10/2022 -- सुभेदार शिवाजी रुमाले 1st.पॅरा स्पेशल फोर्स, राहणार पाचगाव कोल्हापूर. सध्या हिमाचल प्रदेश चायना बॉर्डर येथे कार्यरत. या जवानाचे वडील हरी केशव रुमाले वय वर्ष ८५ यांना डायबेटिस असलेने गँगरीन मुळे एक पाय पूर्वी व दुसरा पाय सध्या असे दोन्ही पाय काढले असून हॉस्पिटल मधून दि. १७/१०/२२ रोजी डिस्चार्ज देण्यात आलेला आहे. त्याचे राहते घरी भेट घेवून त्यांना वुई फॉर सोल्जर्स ट्रस्ट कडून सहाय्याचा रू.१५०००/- चा चेक जवानाच्या आई कडे सुपूर्द करताना ट्रस्टी सौ.अस्मिता कुलकर्णी तसेच शेजारी सुभेदार शिवाजी रूमाले, श्री.अनिल नागराळे, डॉ.प्रकाश ओसवाल व मुकुंद कुलकर्णी.

1/11/2022 -- मराठा लाईफ इन्फंट्री बटालियन जवान वैभव सुदन बोळावे रा. तिरपण तालुका शाहुवाडी जिल्हा कोल्हापूर. सध्या कार्यरत केदारनाथ गंगोत्री येथे. आई वडील वआजोबांसह कुटुंबाची जबाबदारी असल्याने आर्थिक परिस्थिती अत्यंत गरीबीची. सदर जवानाचे आजोबा यांना हृदयाचा आजार असल्याने त्यांना कोल्हापुरातील डायमंड हॉस्पिटल येथे ऍडमिट केले होते. जवान वैभव बोळावे याने केदारनाथ येथून आपल्या वुई फॉर सोल्जर्स ट्रस्टशी संपर्क साधून डॉक्टर ओसवाल यांना फोनवरून सहाय्याची विनंती केली व हॉस्पिटलचे बिल रू.१७०००/- आपल्या आवाक्यात नसलेने डिस्चार्ज घेणार आहोत असे सांगितले. पेशंटवर उपचार करणारे सुप्रसिद्ध हृदय रोग तज्ञ डॉ.साईप्रसाद यांचेशी ट्रस्टच्या वतीने डॉ.ओसवालनी संपर्क साधून सविस्तर माहिती देवून जवानाला आपल्याकडून सवलत मिळावी अशी विनंती केली. डॉक्टर साईप्रसाद यांना जवानांप्रती आदरभाव व ट्रस्टशी संलग्न असल्याने त्यांनी रुपये सात हजार इतकी बिलामध्ये सूट दिली. बाकी दहा हजार च्या रक्कमेचा चेकआपल्या वुई फॉर सोल्जर्स ट्रस्टच्या वतीने जवानाचे वडील श्री.सुदन बोळावे यांना डॉक्टर साईप्रसाद यांच्या हस्ते देण्यात आला. सोबत श्री.कुलकर्णी, डॉ.ओसवाल, श्री.गाडवे व श्री. नागराळे उपस्थित होते.

1/11/22 -- जवान सुभाष आत्माराम कांबळे राहणार भिलवडी माळवाडी 109 Inf bn Ta Maratha LI या युनिटमध्ये ऑक्टोंबर 1974 मध्ये भरती झाले होते.अधून मधून ब्रेक मिळत गेलेने त्यांची नियमानुसार सर्विस पूर्ण भरली गेली नाही. ऑक्टोंबर 1989 मध्ये विना पेन्शन रिटायर झाले. त्यांना मूलबाळ कोणी नसल्याने फक्त पत्नीची सोबत आहे, शिवाय वयस्क असलेने उत्पन्नाचे कोणतेही साधन नाही. त्यात त्यांना एका बाजूला पॅरलेस झालेला आहे व सध्या त्यांची आर्थिक परिस्थिती नाजूक व बिकट आहे. या सर्व परिस्थितीचा सहानुभूतीपूर्वक विचार करून थोडे नियमबाह्य जाऊन आपल्या वुई फॉर सोल्जर्स ट्रस्ट कडून त्यांना रुपये पाच हजार ची आर्थिक मदत केली आहे. श्री.नागराळे यांच्या हस्ते जवान कांबळे यांच्या वतीने चेक स्वीकारताना बिगर पेन्शन प्रादेशिक सेना संघटनेचे अध्यक्ष जवान सुगंध मोरे,सोबत कोल्हापूर टेरिअर सैनिक परिवार चे खजानिस निवृत जवान कृष्णात गुरव, डॉ.ओसवाल,श्री.कुलकर्णी व जवान सचिन तिरुके.

1/11/2022 -- जवान सचिन बाळासो तिरूके रा. शेंडुर, ता.कागल, जि.कोल्हापूर. सध्या सिक्कीम येथे कार्यरत.यांच्या वडिलांची मानेच्या व पाठीच्या मणक्याच्या चकतीची शस्त्रक्रिया विनायक हॉस्पिटल पुणे येथे झाली होती. सदर हॉस्पिटलचा खर्च रू. सहा लाख इतका झाला होता. आपल्या वुई फॉर सोल्जर्स ट्रस्ट कडून त्यांना रू. २००००/- चे आर्थिक सहाय्य करणेतआले. श्री.कुलकर्णी यांचे हस्ते चेक स्वीकारताना जवान तिरूके सोबत डॉ. ओसवाल आणि श्री.नागराळे.

८/११/२०२२ -- मराठा लाईफ इन्फंट्री बटालियन जवान वैभव सुदन बोळावे रा.तिरपण ता.पन्हाळा, जिल्हा कोल्हापूर. या जवानास डायमंड हॉस्पिटल मध्ये उपचार घेतलेले आजोबां करिता आपण ट्रस्ट तर्फे १ नोव्हेबर ला रू.१००००/- चे सहाय्य केले होते. पन्हाळ्याहून जेवणाचा डबा कोण घेवूनआले तरच वडिलांचे हॉस्पिटल मधे जेवण व्हायचे, अशी अत्यंत गरीब परिस्थिती असलेने काल डिस्चार्ज घेत असताना औषध उपचार सह हॉस्पिटल चे जादा झालेले रू.५०००/- चे बिल सदर जवानाच्या वडिलांनी गावातील श्री. संदीप पाटील यांचे कडून उसनवार कर्जावूघेवून जमा केले व डिस्चार्ज घेतला. सदर बाब डॉ.ओसवाल यांचे मार्फत त्यांचे पुणे येथील मित्र हृदयरोग तज्ञ डॉ.आनंद कुलकर्णी एम.डी. यांना (जे दर वर्षी न चुकता आपल्या वुई फॉर सोल्जर्स ट्रस्ट ला रू.५०००/- ची देणगी देणारे सन्माननीय देणगीदार आहेत.) यानी वैयक्तिक रु. ५०००/- रोख रक्कम सदर जवानास देणेकरिता पाठवून दिले. या त्यांच्या जवानांप्रती असणारा आदर व दानशूर स्वभावआणि सहकार्याच्या भावनेस सलाम! ट्रस्टचे पाठीराखे असणारे डॉ. आनंद कुलकर्णी यांचे आम्ही 'वुई फॉर सोल्जर्स फाऊंडेशन' सन्मानपूर्वकआभारी आहोत. सदरची डॉ.आनंद कुलकर्णी यांची रु.५०००/- ची रक्कम डॉ.ओसवाल यांचे कडून स्वीकारताना जवानाचे वडील श्री. सुदन बोळावे व संदीप पाटील.

१०/१/२०२३ सातारा येथील निवृत्त बीएसएफ जवान हेड कॉन्स्टेबल विजय भगवान राजे यांच्या पत्नी सौ.स्वाती विजय राजे या हाय बीपी मुळे ब्रेन स्ट्रोक होऊन, त्यांचा ८० टक्के ब्रेन डॅमेजझालेला असून त्याच्या उपचाराकरिता त्यांना आधार हॉस्पिटल सह मेडिकलखर्च 14 लाख रुपये पर्यंत आला आहे. या जवानास आपल्या वुई फॉर सोल्जर्स ट्रस्ट तर्फे रू.२००००/- आर्थिक सहाय्याचा चेक ट्रस्ट चे देणगीदार डॉ.अनिल डोर्ले यांचे हस्ते देणेत आला. सदर चेक जवान विजय राजे यांचे वतीने श्री.समीर खानोलकर अध्यक्ष कोल्हापूर जिल्हा सैनिक फेडरेशन यांनी स्वीकारला. सोबत श्री.नागराळे, कुलकर्णी, डॉ.ओसवाल आणि नार्वेकर.

१८/१/२३ -- रोजी दवाखान्यामधे दोन निवृत्त जवान आले व विशेष म्हणजे प्रत्येकाची दोन्ही मुले सैन्यामधे १)पांडूरंग सुतार यांची मुले सध्या लडाख व संभाजीनगर येथे सैन्यामधे सेवारत २)गुंडाप्पा अतिकेरी यांची दोन्ही मुले अलीकडेच निवृत्त व पुन्हा आळंदी व कोल्हापूर येथे सेवारत.विशेष म्हणजे दोघेही पूर्ण शाकाहारी.वरील दोघांनाही हायब्लडप्रेशर असून तपासणीसाठी दवाखान्यात आले होते. systopic company चे अधिकारी विनोद पार्ले (यांचे वडील,श्री वासुदेव पार्ले हे ही १०९ मराठा बटालियन मधे होते व १९७१ च्या भारत पाक युध्दामधे सहभागी होते)यांना ब्लडप्रेशरच्या औषधाच्या उपलब्धतेविषयी विचारले असता त्यांनी ताबडतोब दवाखान्यात येऊन दोन्ही निवृत्त जवानांना १ महीन्याचे औषध विनामूल्य देऊन जवानांविषयी आदर व्यक्त केला. वुई फॅार सोल्जर्स (wefs) फौंडेशन याबद्दल त्यांचा अत्यंत ऋणी आहे.

२६/१/२०२३ -- बेस्ट कॅडेट ऑफ द इयर असणारे जवान अजित नलावडे यांचा सत्कार सामाजिककार्यकर्ते श्री.भरत खानोलकर यांच्या हस्ते तर दुसरे जवान श्री.शरद गावडे यांचा सत्कार सामाजिक कार्यकर्ते श्री.कमलाकर पाटील यांच्या हस्ते त्यांना मानधन देऊन करण्यात आला. त्याचबरोबर याप्रसंगी काश्मीर येथे कार्यरत असणारे जवान श्री.अशोक पाटील यांच्या पत्नी सौ.अनिता पाटील यांच्या दातांचे रूट कॅनॉलआणि इतर अतिशय क्रिटिकल असणारे काम केल्याचा खर्च रुपये 25000 पैकी मदत म्हणून रुपये 6500 चेक याप्रसंगी उपस्थित असणारे ज्येष्ठ रेडिओलॉजिस्ट डॉ.विश्राम मेहता यांच्या हस्ते प्रदान करण्यात आला. याप्रसंगी ट्रस्टचे अध्यक्ष डॉ.प्रकाश ओसवाल उपाध्यक्ष सी.ए.दिपक गाडवे आणि खजिनदार अनिल नागराळे आणि जवान अशोक पाटील हे उपस्थित होते.

१८/३/२३ -- रिटायर्ड हवालदार बाबासाहेब रंगराव पाटील (टाकळी) यांचे umbilical Hernia चे ॲापरेशन झाले त्याचा खर्च जवळपास ३०,००० रू इतका झाला. त्यांची दोन्ही मुले नीलेश व महेश नायक म्हणून सैन्यामधे गेली १२/१३ वर्षे मडगाव व राजस्थान येथे कार्यरत आहेत. सौ. प्रियांका महेश पाटील यांच्या उजव्या खांद्याची एमआरआय तपासणी व संपूर्ण मणक्याचे स्क्रीनिंगसाठी ९००० रू खर्च आला. सौ. दीपाली नीलेश पाटील यांच्या सिझेरियन सेक्शनसह प्रसूतीसाठी ४७,००० रू खर्च आला. एकूण खर्च ८६,००० रू पैकी बाबासाहेब पाटील यांना ५००० रू, सौ प्रियांका महेश पाटील यांना ५००० रू व सौ दीपाली नीलेश पाटील यांना १०,००० रू चा असे ३ चेक श्री. बाबासाहेब पाटील यांना वुई फॅार सोल्जर्स (वेफ्स) फौंडेशन तर्फे देऊन या वीर जवानांचे आमच्यावर असणारे ऋण कमी करण्याचा प्रयत्न केला .

२०/४/२०२३ -- सर्जेराव सखाराम पाटील हे म्हालसवडे ता कोल्हापूर येथे रहात असून सध्या कोटा राजस्थान येथे भारतीय सेनेमधे सिपाही म्हणून कार्यरतआहेत. त्यांना pilonidal sinus याचा त्रास होता यासाठी दि ६/४/२३ ते १०/४/२३ या काळात डॅा.बी.आर.कोरे, अश्विनी हॅास्पीटल कोंडा ओळ लक्ष्मीपूरी येथे यांचेवर छोटीसी यशस्वी शस्त्रक्रिया झाली, याचा खर्च रू १५००० झाला .वुई फॅार सोल्जर्स (वेफ्स) फौंडेशन तर्फे त्यांना रू ५००० चा चेकफौंडेशनचे उपाध्यक्ष दीपक गाडवे यांचे हस्ते देणेत आला. यावेळी फौंडेशनचे खजिनदार अनिल नागराळे व अध्यक्ष डॅा प्रकाश ओसवाल उपस्थित होते.

१८/५/२३ -- कोल्हापूर येथील १०९ टी ए मराठा बटालियन मधील जवान नायक बाळकृष्ण धोंड यांची ५/५/२३ रोजी जया युरॅालॅाजी सेंटर कोल्हापूर येथे दुर्बीणीतून मूतखडा काढण्याची शस्त्रक्रिया डॅा विनय चौगूले यांनी यशस्वीरित्या केली, यासाठी जवळपास ५५,००० रू इतका खर्च आला. वुई फॅार सोल्जर्स तर्फे जवानांचे आपल्यावर असणारे ऋण कमी करण्याचे निमित्ताने रू १५,००० चा चेक देणेतआला यावेळी अध्यक्ष डॅा प्रकाश ओसवाल व खजिनदार अनिल नागराळे उपस्थित होते. विशेष म्हणजे नायक बाळकृष्ण धोंड हे उत्कृष्ट कूक असून ते रामबन (जम्मू काश्मीर) येथे कार्यरत असताना छत्रपती श्रीमंत शाहूमहाराज यांनी त्यांचे खास कौतुक केले होते.

११/६/२०२३ -- दत्तात्रय लक्ष्मण टोपले आपल्या कोल्हापुरात सर्वांना मैदानावर चिरमुरे फुटाणे विकणारी व्यक्ती म्हणून परिचीत असली तरी ते १९७५ साली भारतीय सेनेमधे दाखल झाले होते व १८ वर्षे देशसेवा करून हवालदार म्हणून निवृत्त झाले. दुर्दैवाने कांही कारणास्तव त्यांना पेन्शन न मिळाल्याने सायकलवरून चिरमुरे फुटाणे भडंग विकून उदरनिर्वाह करत असतात. वुई फॅार सोल्जर्स (वेफ्स) फौंडेशन चे कार्य माहीत असल्यामुळे १०९ टी ए मराठा बटालियनचे सुभेदार शिवाजी पाटील यांनी ट्रस्टशी संपर्क करून त्यांना मदत करणेची विनंती केली. त्यानुसार टोपले यांना माहीती घेणेसाठी ट्रस्टचे कार्यालयात, दवाखान्यात बोलवून घेतले. माहीती घेता घेता त्यांनी अलीकडे सायकल चालविताना दम लागतो असे सांगीतले. यासाठी तपासणी करताना त्यांच्या हृदयाच्या ठोक्यामधे विकृती जाणवली (precordial murmur). त्यांना त्वरीत ट्रस्टशी सलग्न असणारे कोल्हापूरांतील सुप्रसिध्द हृदयरोगतज्ञ डॅा अक्षय बाफना यांचेकडे उपचारासाठी पाठविणेत आले, ते नेहमी जवानांना त्यांच्या फीमधे सवलत देतात, याही रुग्णाला त्यांनी २१०० रू बिल झाले असता १३५० रू घेतले यांबद्दल ट्रस्ट त्यांचा ऋणी आहे. रुग्णाच्या तपासणीअंती असे आढळले की हृदयाकडून सर्व शरीराला रक्तपुरवठा करणाऱी महत्वाची रक्तवाहीनी (Aorta) हिचा व्हॅाल्व अतिशय अरूंद झाला होता ( severe calcified aortic stenosis). यासाठी लवकरात लवकर open heart surgery करून व्हॅाल्व बदलावा लागणार होता. जवानाचे वय ७० असलेने अवघड अशी ही शस्त्रक्रिया सीपीआर कोल्हापूर मधे हृदय शस्त्रक्रियातज्ञ डॅा. देवरेसर, हृदयरोगतज्ञ डॅा. बाफना सर व भूलतज्ञ डॉ. हेमलता देसाई व त्यांच्या टीम ने ११ मे रोजी यशस्वी केली. या टीम चे खूप मोलाचे सहकार्य लाभले, त्यांचे आभार मानावे तितके थोडेच होईल. कारण खाजगी रुग्णालयात या शस्त्रक्रिये करिता काही लाख रुपये खर्च आला असता पण डॉ बाफना यांच्या सहकार्याने छत्रपती प्रमिला राजे या सरकारी रुग्णालयात फक्त आवश्यक त्या रक्ततपासण्या, ब्लड ट्रान्सफ्यूजन, औषधे, ॲ ंजीयोग्राफी इत्यादीसाठींचा खर्च रू.१२३५० इतक्या माफक खर्चात झाली. सदर खर्च व आवश्यक औषधेखर्च करिता काही रक्कम असा अल्प मदतीचा रू.२०,०००/- चा चेक वुई फाॅर सोल्जर्स ट्रस्ट तर्फे हवालदार टोपले यांचे घरी जावून डॉ.ओसवाल, श्री.दीपक गाडवे, मुकुंद कुलकर्णी, रमेश नंदेश्वर या ट्रस्टींच्या उपस्थितीत देणेत आला.

५/७/२०२३ -- शासन पुनर्नियुक्त जवान वीरेंद्र हारूगले ( शिपाई, जिल्हाधिकारी कार्यालय कोल्हापूर )यांचा १३ वर्षाचा भाचा आयूष अजीत जगदाले गेले दीड महीना सीपीआर हॉस्पिटल कोल्हापूर येथे "जीबीएस सिंड्रोम" ने आयसीसीयूमधे दाखल असून कुटुंबाची परिस्थिति बेताचीच असल्याने या आजारावरील अत्यावश्यक महागडे उपचार करण्यासाठी हारूगले यांनी वर्तमानपत्रामधून दानशूर लोकांना मदतीसाठी आवाहन केले होते. या आवाहनास पुणे येथील श्री अजीत तावडे तसेच कोल्हापूर येथील जगदीश कणेरकर यांनी ताबड़तोड़ प्रतिसाद देऊन अनुक्रमे ५००० रू व २००० रू वुई फ़ॉर सोल्जर्स च्या खात्यात जमा केले. ही रक्कम वेफ्सच्या पदाधिकार्यामार्फत आयुषच्या मातोश्रींकडे सुपुर्द करणेत आली व आयुष या आजारातून लवकर बरा होणेसाठी सदिच्छा व्यक्त केली.

२८/७/२०२३ -- जवान विकास प्रकाश हिरवे रा.पैजार वाडी कोल्हापूर. सध्या राजस्थान येथे कार्यरत असून या जवानाची कन्या अधिरा हीचे जन्मा नंतर सातव्या दिवशीच पचनसंस्थेतील बिघाडा मुळे आतड्याचे ऑपरेशन करावे लागले. सध्या ती एक वर्षाची असून २७ जुलै २३ ला डॉ.दिघे यांचे हॉस्पिटल मधून तिचे तिसरे ऑपरेशन (colostomy closure) होऊन सुखरूप पणे तिला डिस्चार्ज मिळाला आहे.आपल्या वुई फाॅर सोल्जर्स ट्रस्ट कडून जवान हिरवे यास रू.२०,०००/- चे अर्थिक सहाय्या चा चेक डॉ.प्रदीप देसाई व श्री.राम देशिंगे यांचे हस्ते इतर ट्रस्टी चे उपस्थितीत देणेत आला.

२८/७/२०२३ -- कारगिल विजय दिवसाच्या निमित्ताने रंकाळावेश येथील डॉ. सौ.स्वाती ढवळे पॅथॉलॉजिस्ट आणि डॉक्टर आनंद ढवळे नेत्ररोगतज्ञ यांना कोल्हापूरचा कारगिल येथील शहीद झालेला जवान अभिजीत सूर्यवंशी यांची वीर माता श्रीमती मनीषा सूर्यवंशी यांच्यासाठी ट्रस्टचे वतीने वार्षिक तपासणी फी रुपये २००० चा चेक देण्यात आला. वीरमाता सूर्यवंशी यांना हाय ब्लड प्रेशर मधुमेहाचा त्रास असून काही तपासण्या नियमितपणे कराव्या लागतात. याचा अंदाजेखर्च रुपये तीन हजार ते तीन हजार पाचशे इतका येतो डॉ.सवलत मधे रुपये २००० मध्ये सर्व चाचण्या करत आहेत. डॉक्टर ढवळे यांना आज त्यांच्या हॉस्पिटलमध्ये भेटल्यानंतर त्यांनी ट्रस्टच्या कार्याची प्रशंशा करून स्वतः ट्रस्टच्या मदत कार्यासाठी रुपये ५००० चा देणगी चेक दिला. यासाठी ट्रस्ट त्यांचा ऋणी आहे याप्रसंगी अध्यक्ष डॉक्टर प्रकाश भुसावळ तसेच ट्रस्ट श्री यशवंत वाटकर आणि श्री अनिल नागराळे तसेच डॉक्टर आनंद ढवळे.

१५/८/२०२३ -- सन्मान वीर योद्ध्याचा… आज १५ ऑगस्ट स्वातंत्र्य दिनानिमित्त मूळचे गिरगाव ता. करवीर चे राहणारे आणि सध्या रायगड कॉलनी कोल्हापूर येथे राहत असणारे १९ मराठा लाईट इन्फंट्री चे एकेकाळचे सुभेदार मेजर ऑनरेरी कॅप्टन श्री तुकाराम गोविंद साळुंखे यांना ट्रस्ट चे अध्यक्ष डॉ. प्रकाश ओसवाल आणि ट्रस्ट च्या पदाधिकाऱ्यांनी भेटून त्यांचा सन्मान केला. त्यांनी मिलिटरी मध्ये देश सेवा करताना त्यांनी १९६२, १९६५, १९७१ च्या युध्दात भाग घेतला होता. त्यां आठवणी आजही त्यांच्या वयाच्या ८६ व्या वर्षीही चांगल्या स्मरणातआहेत. युद्धातील सर्व प्रसंग ते अगदी हुबेहूब वर्णन करून व्यवस्थितपणे सांगत आहेत. अशा ह्या वीर योद्ध्यास दीर्घायुष्य लाभो निरोगी आनंदी जीवन व्यतीत होवो हीच शुभेच्छा.

२५/८/२०२३ -- म्हालसवडे कोल्हापुर येथील जवान शुभम पाटील हा सध्या हैदराबाद येथे कार्यरत असून त्याच्या गुडघ्याचा स्नायू तुटल्याने त्यावर आधार हॅास्पीटल येथे शस्त्रक्रिया करणेत आली आहे. आपल्या ट्रस्ट कडून त्यास आर्थिक सहाय्य रू.१५०००/- चा बँक असोसिएशनचे असिस्टंट सी.ई.ओ. तसेच आपल्या ट्रस्ट चे देणगीदार श्री.राजाराम कारंडे यांचे हस्ते देणेतआला. चेक स्विकारताना जवानाचे वडिल श्री.शिवाजी पाटील सोबत ट्रस्टी श्री.नागराळे, श्री.नंदेश्र्वर, डॉ.ओसवाल, श्री.कुलकर्णी आणि श्री.गाडवे.

१/९/२०२३ -- हवालदार शैलेशकुमार रा. बिहार. हा जवान कलिंगपाॅन्ग, रांची, अल्वार आणि सियाचिन ग्लेशिअर इ.ठिकाणी सेवा बजावून सध्या रीक्रूटमेंटऑफिस टेंबलाबाई कोल्हापूर येथे कार्यरत आहे. त्याच्या दहा वर्षे वयाच्या मुलाची हाताच्या फ्रॅक्चर वरील शस्त्रक्रिया आधार हॅास्पीटल इचलकरंजी येथे झाली. आपल्या ट्रस्ट कडून त्यासआर्थिक सहाय्याचा रू.१०००० चा चेक आज दि.१/९/२३ रोजी आपल्या ट्रस्टचे आधारस्तंभ आणि ट्रस्टशी संलग्न असणारे साईकृपा हाॅस्पिटल दुधाळी चे डॉ.दिपक पाटील यांचे हस्ते डाॅ.ओसवाल व श्री.कुलकर्णी या ट्रस्टींचे उपस्थितीत देणेत आला.